DEAR MET

Mi a share da story ya cause right now mi need some emotonal support. Mi nuh get a good sleep ina bout a month. Right now mi feel fi wipe out some dutty bumbohole eno. Mi have a 2 year& 3 months old daughter. Suh cause mi work ina d days shi mostly stay wid har stepfather. D ole dutty jancrow do security work so & a mostly night duty him do. Ina last month mi come home one evenin, mi daughter did bathe & everyting areddi cause him did bathe har. So mi baby seh to mi seh ‘dada nuh bathe good’. A dada she call d jancrow cause a from she 7 months old mi & d dogshit start talk after my baby father passed in a car crash. So she grow thinking a him a har fada. Mi ask har why she say dat she jus a repeat di samething ‘dada nuh bathe good’. So mi think she a tell mi seh har step-father nuh bathe himself properly or something, not knowing seh is a different message she a send. Mi realize seh she constantly a touch touch up her vagina. So me get curious & examine har fi see if a rash she have, cause sometime di diaper give har rash. When mi a pull down her panty she start bawl& rail like a kill mi a kill har. Mi eventually get har fi calm down then mi check her and mi never see any rash, but mi rub har up wid Desitin cream still. Whole night she a touch touch her vagina area so being the concerned mom that I am mi bring har a di paedi early di nex morning. When the paedi examine her, mi see she look pan mi like she puzzled & then she start ask me some questions then she say It seem like someone attempted to molest di baby. Cut a long story short dem do some test & say it look like someone dida attempt fi put a finga in her vagina but no penetration nuh tek place, because if it was a penis the damage wuda obvious. Seeing dat a jus d shithouse alone keep mi baby& as mi lef d doc a straight home mi rush fi find him well cocks up ina sofa a watch tv. A draw fi mi bumbohole las and cut him a raas chop ina him back u see. Mi did all get lock up but mi mother bail mi & its still in the court. Him lock up now. But every bumbohole day him sista dem a plea wid mi & waa buy out d case & a offer mi money bout how him have asthma so him cyaa manage prison. A wa d pussyclaat dem tek mi fa?