DI FARRINAZ REACH INA DI DANCE

DI FARRINAZ COME OUT AT LAST!

Mi haffi mek excitement fi dis one…..rayyyyyyyyyy woie… some a di farina dem start show dem face ooo..Rodigan dance did shell dung! Dem seh who nay deh deh a who nuh mek! Roy Fowl and mi sure did glimpse Mercedes, mic plaster Angella Striker, Lena British, Bandy leg Rose, di next Rose, Likkle Miss, Oney British an Black Roses..WI  AH CAL DEM OUT OH…CAWKALEE AND CAMILE LEE UNNO R MISSED..Dem seh all who neva do hair di whole a di year do dem hair up fi Rodigan party..DI PEOPLE DEM WAS CLEAN! OUT AND CLEAN! PARTY AND CLEAN! STR8 CLEANESS GWAAN..Dem seh Rodigan dem bring back out di real choo blue dancehall…wha tight up frack and wine…yuh wudda tink a di 90ties when dancehall ketch a fire..Stone Love dash it out House of Leo/Dutty rub up style, Afrique from New York dash it out , Gefus an Foota Hype/Grease Ninja..Dash it out wicked di people dem nay waa lef….From Shabba Ranks tuh Buju…Lady Saw tweet last night seh she was out wid a bright smile pan har face…Mi nay know ah so Rodigan nice…dem seh she and Bounti Killa, Elephant Man, Macka Diamond, Wickerman, Lexus and di DownSound Force, including Harry Toddler, Toya,, new generation sensation Specialist, G Warren, Motion and recent member, Nature deh deh di place tun up like a did krismus…kaws not a ting nay gwaan fi di holiday pawty dem but Rodigan own sell off and Fowl Fish fry gwaan good tuh..aldoe Mercedes bad wig beat mi, weaken mi bad a di fish fry..She nay look suh dusty a Rodigan at allllllllllllll..STARCH TIGHTS AND SPRITZ BACK INA SEASON…DANCEHALL A COME BACK…

P.S DEM SEH MOET AND HENNY DID DEH PAN ALMOST EVERY TABLE HEY HAYYYYYYYYYYYYYYY