LISA HYPE UP CLOSE & TOO PERSONAL

Mi nuh know whey fi stawt…..di tatoo dem pan di leg whey look like milo fass and di actual fass whey deh near di battam… di silva henny penny heels …. wid di gladdis bangle ….Ok mek a stawt… It look like Addi dash yuh picho ina some paint deh mon…. kaws is like a big piece a 12 aklak madniss drap dung pan yuh ie si… di piece a frock wi di frill roun di battey whey feva sundeh panty, and di 5 million plastic bangle pan yuh lef han… not to menshan di silva wedding accessory ova di turkle neck and di piece a lip ring whey a heng like drool ..I jus doe know whey fi stawt…Di baby hair is a different kulla fram di piece a plat , circus pink hair wid di stay bad plat a guh dung yuh back.. piece a di lash a lif up like its time tuh fly, di eye makeup whey look like  a Addy buddy yuh use an apply it…di hawk nail dem ina 40 diffrant kulla..Mi nuh know if a dolly house yuh really did a play but if yuh nuh mad…………… all di eye makeup an no face powder….an is not like yuh have di most perfect glowing skin..di big ole black brasheer….not to menshan an mi wudda finally like fi ask a who did put on di turkle neck before yuh kaw di last time mi check it fi fittin…an urns nat!