UNNO REALLY N CHOOLY TEK DIS BRACES TING A LIKKLE BIT TOO FAR.. U MOUT MASH UP MUM………… ONE MORE TING… U REALLY GUH OUT WID ELE SUH??

…aaawwm is dat bad n ready??

Bounty a hare suh u live boo? Or  a jus di gyal out part a u ting dis?…dem seh dis is r di oaklands sir…place clean dow… no joke… nuh even a blush…. but mi get fi ovastan seh dem yere tings a fram when di place did buy? Betta yet is wha year dem picho yah tek?.. Mi waa u get back u visa quick boo… cause mi waa u move out yasso wid a speed..  jet nuffy ketch u when u get dah visa deh a woa………* in awe, awe strucked, ketch di magnet dem*…. * reaches for tissue*….fuuuup… mi nose , mi eye, di whole a mi ketcha seejuh

Paps wid all u put she choo… Dis tek  di cake book an lef whole heep a page fi some a dem gyal yah grab roun 2-3. Nashera u neva know di use of an education mum? Di buck did stop after High School har  tuh much man prospects mek u tink u neva needie?

  Di smaddy seh u pass choo a few man heena di hindustrie…yes mam… and when u si ina Kurt n him ova size head( a di ppl dem seh suh nuh mayyyyyyyyyy) hmm mm dem seh dem nuh know whey u did si pan him u lef di man dem n tek up Kurt Riley cockey cross  run widdy.. Wha ooman u cuss off n stalk fi him neva tap yasso… till u win di man fi 7 hares…..7 hares mum?? AN NUH RING?

  Dem seh ”So hafta all a weh shi gwan wid shi finally had him to herself (more or less) fi 7 yrs. During di 7 yrs wah mount a bun shi get nuh stap yasso. Bun so til xyz ketch har 2 times but shi decide fi stick it out. Shi help him build him career, acted as booking agent, manager, secretary, receptionist, baby-sitter, driver, fren, lover, cook an housekeeper. Shi used to follow him go all him late night or outta town gigs an stay wid him so him neva haffi drive inna di late night. Shi push him career an hangle him business inna di 7 yrs, not to mention tek care a him an him house. Overall shi was di all-woman inna him life, even tho shi had har dutty ways.”

Nashera u did a chow cockey pawdna long mi gyal? woie ie 7 hares?? *tun on mi shebawda* GATTA BELIEVE ATE !

Di smaddy go furdah fi seh

”But as wid most cheating, doggish men, in 2009 him start bun har wid one gyal name Tresha Miller who decide seh she want him. Now dis gyal yah bright academically, bachelors an masters degrees to prove it. But shi jus as dumb as Nashera, cuz fi hold him shi start dis out di ‘Nashera treatment’ to Nashera herself lol.  Tresha, knowing seh Nashera a Kurt live-in ooman start brite up herself, an start call an cuss off Nashera an mek Nashera know seh Kurt a fi har man now suh shi fi tek weh herself. Shi have a piece a hold ova Kurt so much so dat shi gi him ultimatum fi run weh Nashera.
 
So Kurt start draw weh from Nashera, but she had a problem getting di message cuz fi 7 yrs shi was soley dependent on him fi everyting. So earlier dis yr wen him an har have di final hataclapse him jus look pan har an ask har “outside a cooking nice rice n peas, wat yuh have to offer to di relationship?” Dat nearly kill Nashera, but him did mean it seh di relationship done. Shi a call har fren dem an a bawl to dem an bear tings, back inna dem time deh shi did deh pan depression medication to. Now Tresha have him , but shi betta mek him do a blood test an nuh end up go thru di same ting as Nashera.
 
Nashera is ongle educated up to di high school level an bcuz shi keep making herself dependent pan man shi was able to sustain harself, but now shi calling har frens an a tell dem bout if dem hear bout any work dem fi mek har know. But wen di fren dem check wid ppl an di ppl dem query har educational status shi not even really have nuh good propa qualifications. Shi haffi move outta Kurt house, suh mi nuh know weh shi live now, but har situation sticky. Har frens is of mixed feelings bout har situation, cuz 1 a dem seh a di hand weh shi deal odda ooman fi di man a tek har back, but dat dem will still try help har. Shi older now (bout mid 30’s) suh har man prospects kinda limited.
 
Young girls need fi know seh dem fi be independent an try have dem own suh nuh man cyaa done dem like Nashera. Dem nuffi wait pan nuh man fi hype dem, dem fi hype demself wid dem independence.”

Any a hunnuh learn anyting after di full stop?? BETTA MEK SURE!

Sean star is the real beggy beggy but him do it neatly! him live a yaad wid him bank manager baby modda who mine him a yaad and she look like she obsessed cause all him do a sleep a day time. You naw see she a dance, she uptown. She jus have a baby fi im and him nah lef har. When party season a come him nuh stop beg clothes. Him have at least 3 woman.
Markie star dont work!! him lef him good good baby modda because she neva waan mine him no more an tek up hustler, ATM machine Wendy. When him want cash im jus use him cocky an punch in the pin numba. She nuh stop tek plane go up go buy clothes fi him.
Jordan star, deh wid a married big woman, him love har to det an she mine him up big time! dat nuh stop him from bun har, but him always a try – wid fowl farm an all dees tings! she all buy car gi him.
Andy star deh wid Ding Dong an the gogo girl weh married to the white man. the gogo pay him rent and buy car give im. Him cant eat if she nuh buy! him dont work! Ding look like she understand how di runnings go cause she a get some a di money.
Marvin star is not even a real 5star! a nuh him nuh an cause de res a de man dem ends out a him madda yaad him get inna it. im have him baby modda but him a hustle the woman dem fi live. im dont work. dont have a house, car or a piss pot! bruk like!
Foota star aka maleek aka marlon is anodda beggy beggy one! him big woman weh work a air jamaica deh wid him bout 7 year now! she mek him change car like how him change him brief! when a party season she tek plane an suit him out! every shirt pon im back a she buy dem. A she decorate the party dem. him always a show off cause she an him go pure high class hotel and party. Him jus breed  up Ishawna sista and still up and down wid the big woman.
David star is a working yute, him work a wharf. him nuh lucky fi hit the mining jackpot yet. him have two yute and a walk through the dance dem inna him tight up close dem a look woman. Nuh whole heap a woman nuh want him cause im chat to much.
Foota (Maleek, Marlon) and the big woman, Andy and gogo and Markie and ATM Wendy go sumfest and stay inna posh hotel. My friend see foota and im woman a walk an hug up pon the road after the show and see im a drive har BMW, dem neva a hide so it look like de baby modda jus mek up har mind fi live wid it cause she jus come and a mussi di woman a help pay har bill dem.

Di smaddy sed ”Metterz, can you guess a who? Dis anno photoshop or fixed lighting”

…….MI HUNGLE HOPE SEH WHEN WE FINE OUT A WHO…WI NUH JAP A GRUNG..

The blog has been moved to jamaicangroupiemet.com

ONE MORE TIME http://jamaicangroupiemet.com/
THE BLOG HAS MOVEDD!!