A 9-5 MAY BE BEST

Artist when unno get a bus..mek di bank book bus up…money nuh rotten but nuff gyal and man rotten and dem nuh dead suh low di likkle money mek it grow or buy a business whey unno can fall back pan! If me fi call out all who dem seh bruck we scrap heroes day next year because all whey di hero dem work fi put ina place none a who can carry it on has carried it and is a shameee from dancehall queen to Gad not a cent..Dem seh one big big artist doe have no vehicle…no house only di oaklands apartment..Wha gyal a nyam di money /nyammed di money rgd goodly figet seh a suh much gyal dem register…Anyhoot..dis is not about dem dis is about Mr. Tonto Metro…………..dem seh two time pan billboard…………two time Marshal seh hit the road Jack…dem seh Tonto try a likkle hustling selling conch soup outa him van back but him heart still ina di music him go tek up $40,000 rent and now deh pan a piece a landlord hiding because di money cannot mek up….all di lovely view that this apartment is giving off him get kick out a dis place tuh. Tonto doe fraid fi lick a 9-5 kaw and di rest whey a read unno cyaa run 9/10 house and expect fi rich same way…Wealth has to accumulate