LIE OCTANE’S CANADIAN UPHEAVAL

Good Morning Met…

I know its been a while since Lie-Octane nuh touch di pink wall… Well you know as we get it, we haffi dash it out… Well as everybody know, him deh pon a 6week “Crying To The Nation” Tour which started off in Toronto Canada. He was there for almost 2 weeks.. Met, a mi likkle dj cousin a show mi di vibes dem weh gwan wid Lie-Octane & him crew.. 1st of all, fi di big show him do wid Jah Vinci & Ruff Cut Band; all now him nuh get pay fa…. Vinci & di band get pay & cut from di day after di show…. Apparently him & di promoter yute weh keep di show a almost like family but the yute a go roun him & all now him nuh get dolla outta di show because di man say no tix neva sell… Mi hear say di show did arite still, neva jam pack like a usual Octane show, but ppl still show up. So him get ‘con’ desso from di promoter… So mi a hear say a court dem mussi did haffi tek dat deh matter deh cuuse di man dodge all a dem phone call & a go round him a say him nah get him money & Met – mi hear is over 9gran him owe him… nuh nuh how true dat is. but so mi get it, so mi a talk it… All dat being said, is basically all dubplate him mek him money dem from up deh…. Everyday him deh road a hustle dubs. Anyway, continuing the story… him did have couple other shows here & there weh him go & mek a change offa… Him go a place name Montreal – mi hear say dat deh show did sell off so him get pay fa… Him go back to Toronto now & do a likkle Sunday night ting roun’ di area… Met mi hear say some likkle vibe mussi did gwan from inna di club wid Biggs (him Road Manager) & him woman.. Anyway, it reach back a di hotel & Met- mi hear say all KNIFE di dutty ‘self-proclaimed’ rasta man (I-Octane) draw pon di girl & run out a di hotel say him a go stab har up & kill har in front a everybody cuz mi cousin did all out deh to. And a say them a try mash up him career. While all this a gwan outside the hotel @ 5am, him PR/Manager (@DestineMedia) did upstairs a sleep, so she neva have a clue weh har artist downstairs a do.. Mi say dem say di man all drape up di girl inna di hotel & grab up har neck & all tell har fi go suck out har mother… Mi cousin a tell mi say if you see di girl how she get bruise-up… Now- everybody know how Lie-Octane represent especially fi him mother.. a him say Mama You Alone.. So, its quite shocking fi heaer say him a tell a female bout dem mother & a choke har & run har down wid knife… Now unnu tell mi now. & a dem ppl look up to as role model & icon?? No… Met dem tings ya nuh right… a long time mi a tell unnu say him heart nuh as clean as di song dem him sing…. but dem neva believe me… Mi say mi hear say a hide him haffi hide & leff fi go airport di way how all police did get involve & all dese tings, and YES a hide him hide & go airport because him tell mi cousin dem fi meet him round a restaurant cuz him a go do some dub fi dem before him cut, and di man dem round deh a wait how long fi him.. only fi find out say di 3 a dem hide & gone a aiport (I-Octane, Biggs & him PR lady)… But memba fr long time when him (Octane) did deh pon di pink wall, him did have a girl up deh… Well him & har (Cher she name) dem still deh, because mi cousin a say him & har did a help part di fight & when di girl go a station a mek har report, a Octane girl mi hear say a run up & down whole day & a make bare call cuz she neva want no drama or him ting fi get loud up, because anyhow police did go fi dem, dem nah leff Canada because dem place deh strict esp when it come to females. a woman country dat! & di way mi hear say di girl get bruise up, all dem permit/visa woulda all get tek weh…. But with all dat said & done, mi cuz seh a Octane girl stop di police dem from going a aiport & taking dem off di flight because as far as mi know, she work out deh so har links dem mussi tall like har man seh…. Well dem escape & gone a Europe now, because a real ESCAPE ting dat wen dem haffi a hide & dodge ppl fi go airport… But anyway, mi just a mek u know wha gwaan Met, because a long time we know say sumn nuh right bout di fashion rasta…. Him claim say a ‘love’ him seh, yet still him a abuse a female, & fi top it off, a draw weapon & a threathen fi kill har? in front a people to?? den him a say a people a try mash up him career??? And dem when dem get dem visa & permit tek weh ppl say a badmind… No man, dis madness need fi stop… As fi him likkle batty-follower Biggs, him need fi change him attitude, man head too hot man… dats why dem & all a dem ppl dem used to par wid kick off… cuz dem nuh respect nobody… Memba when di dutty foot ras jus a rise from dung a Sandy Bay, him did humble like woah… now?? him endorsement & big song dem buss inna him head mek him feel like him a badman now – so him nuh memba him humble beginnings weh dem a come from… As far as him “Crying to the Nation’ tour is concerned, him leff nuff ppl “Bawling to di Nation”…. Anyway, whoever know nutting else bout dat story ya, feel free fi drop in a comment or 2. but a dat a gwan pon what a gwaan!!