UNNO DESERVE A BEATING

I DID NOT READ DI COMMENTS INA DI KITTY POST BUT MI WAA KNOW IS WHY UNNO TRYING TO ASSASSINATE DI LADY CHARACTER…UNNO DOE DWEET..DI LADY DO UP HAR HELICOPTER STYLE PARTY AND TING AND UNNO HAFFI MEK HAR REALLY GO WRITE ARTICLE BOUT UNNO? MS KITTY I WILL INVESTIGATE DI MATTER YUH YERE…

Mi no have enuff words fi express my gratitude to all a di people dem who come out and support mi birthday party outta Danny’s Marina wah day!

Mi glad bag buss when mi see di people dem who come out fi celebrate wid mi and is a good ting mi mout tan good because wah mount a smile me smile all now mi face tired! It was such a wonderful feeling to see people from all ova Jamaica an di worl come out inna dem finest white an all dem coloured fi mi enjoy mi birthday wid me. Mi haffi say big up to fadda God who mek it possible and of course him gimme the strength to survive all when di dutty heathen dem a try bring mi dung. But chu a inna God me trus an mi know who God bless no man curse dem a talk bout me and mi naa talk bout dem cause mi naa focus pon no locus!

Yuh have sum scumbag mind people who get up everyday and live pon people name and try fi assassinate dem character and always a try fi put the worst first or seek the worst spin pon a good situation. Me is a woman who talk di tings but fair in when I’m doing so. Mi no jus get up a dun people fi no reason and yuh have some toxic people who get up everyday wid dat as dem modus operandi. All when nutten bad no deh deh fi talk bout dem haffi create a story fi validate dem low-bite way of thinking. There is always gonna be people in life that you don’t like cause none a we anno Jesus Christ fi just happy wid everybody all di time … No nail mark no inna none a we hand so it is quiet understandable if yuh no like a person.

My problem is though that most of the time the disdain is coming from a place of misinformation, misperception and just plain bad mind and to how some a dem mind bad di word dem cyaa even join! Nuff time dem see people life and no know nutten at all and sit on the sidelines and judge and di hottest part bout it if yuh know a who an who a talk di tings dem bout yuh sumtime and dem stay bad and how dem life sad yuh woulda haffi jus laugh. Some people no inna no position fi a class and diss because if fi dem skeleton bone dem inna dem closet start rackle is a walking cemetary dem woulda have!

Mout cut cross way so it mek fi talk anyting but the utterances weh sum a dem mek yuh can tell seh a jealousy di way dem can go hard when dem a persecute yuh. But as me seh Jesus walked the earth a sinless man … heal the sick, raise di dead and turn wata into wine and dem still crucify him so who am I? We have a likke dutty hypocrite way inna dah country yah where we stereotype women who have a voice. The moment yuh have a brain and your own way of thinking yuh tend fi be public enemy numer 1!

The fact seh when fluffy woman a step dese days we step wid confidence and assurance mash up dem double standard and upset dem apple-cart! Mi never hear nobody too a lick out when the jokes were always on the “fat one” but how di ting tun up is a problem! Yuh have woman wid weight weh stay bad and yuh have skinny one weh stay bad too! It all boils down to di individual and their self-esteem and self awareness. Sum a dem love talk bout belly an girdle but if yuh have a certain weight belly haffi deh deh an girgle haffi wear das y dem mek dem!

Big up Captain Burrell fi di helicopter and nobodda talk bout mi pilot Captain John Chambers how mi love him bad! Thank you so much. Mommy Winsome from Fashion Fever a million thanks mi frock sell off!

Cherry’s Hair an more crew big up and to di lady who come out inna her full white wid head gear to match Linnet big up mi swear she fava Whitney Houston inna bodyguard! lol … Nuff love to Danny Marina everytime and to every sponsor, patron, fan, friend, family and well-wishers unnu mek mi feel well special. No mind di taglabugla or di herpicirp dem who a try rain pon mi parade mi lef unnu to God an time cause a mi seh proppa happy and sort out! Love all who love mi and if u no like mi a baaaay mek a me neva like yuh fus !Le Chin girls dem…Marsha Ridgeline and nuff love to mi boss Shaggy! Tina and Gary and of course Tifa, Spice, Pamputae, Ishawna a we seh girl power. Love unnu from mi heart!