MAYJAH DUSTA

SINCE WI DOSE YUH BOUT YUH PEEL OUT HAIRLINE LAST YEAR ..YUH RUN GUH DUH MOHAWK AN STUCK PAN IT LIKE YUH REALLY NUH KNOW BETTA….YES TANKS FI GUH A BUJU TING GUH DUH YUH TING ALDOW DI STAGE A NUH URNS………. u know waddi mean….ENGAGEMENT TO JINX OR WHADEVA DEM WAA CALL HAR … AFTAH DI MILLIONS A YEARS UNNO DEH….. MI WAA KNOW WHA HAPPEN TUH DI DARK SKIN CHICA WHEY DID A CLAIM YUH PAN FACEBOOK AN UNNO LOOK LIKE UNNO GUH OUT COUPLE TIME CAUSE A MORE DAN ONE PICHO SHE HAVE WID YUH AND DID WANT YUH BABY AN BARE TINGS…YUH TINK SHE MAD HAR WHA? KAW DI LIKKLE CURLY HAIR GIRL WHEY DID HAVE YUH HEAD A WAY LAST YEAR ….DI ONE WHEY SHE CLAIM SHE VOMIT TWO TIME AN CUDDEN FINE YUH HOTEL ROOM ..DAS FI YUH KINDA OOMAN MAYJAH…INNIT? HENNYHOW A NUH DAT MI A LINK YUH BOUT DIS MAWNIN… IS DIS STAY BAD MOWFLAT WHEY YUH HAVE PAN TAP A YUH HEAD WHEY MEK YUH FARRID LOOK LIKE FRESH POPCORN.. IT STAY BAD AND A DI FUS MOWHAWK MI EVA SI SQUARE UP A TOP SUH…YUH NUH READAYYYYYYYYYYYYYYYYYYYYYY AND YUH NEVA READY YET ……. MI WAA KNOW IF YUH BAAABAH HAVE SUMTIN GENS PEOPLE WID GOOD HAIRLINE MEK HIM ALWAYS A HAWL OUT FI YUH HONE SUH…LONG TIME BIG MAN SEAN PAUL A YUH MI A CHAT YUH HAIR NUH TAN GOOD GO GET A GOOD HAIR CUT !