VIVIAN BLAKE–A WONDER HOW DEM GWINE CHARGE HIM?

Mi seh mi neva even a go dash out  nothing bout it but di Jamaican justice system so slack mi really haffi lick out pan dem yet agen..KAW IT LOOK LIKE ALL EYES DEH PAN JMG.. Now Vivian Blake dead since year, di bredda Tony Blacks dead last year October, and di JCF did ”theorize” seh is a robbery…Was dere anything taken?? Unno fi stappit man , enuff is friggin enuff.. Tony Blacks who di people dem seh did a inform tuh jus like how Vivian do him ting… dem seh feelingz did  a carry fi some money whey blacks did get/tek from him because Vivian seh how him do more work ina di ting dan him and how him go get lock up and a tink him get longer time dan Blacks…Di streetz seh him sen him some man fi go kill di man ova di 200.000 us. Now mi see seh Star jus jus a publish article bout Vivian Blake to be investigated in the death of his brother..wtffffff?? Mi sure a neva now di so called authorities know who did kill Blacks, a nuh now dem a hear so wha now?? Wha unno a go charge di cyaakas?? When di story bus pan yah montssssssssssss ago and di people dem dash out di tings Gleaner neva see?? Cause one of dem representative surely log on pan JMG daily…and whateva naygah ppl seh if it nuh go suh it near suh… An mi waa know… is who or what dem a go investigate ina dis , who a go get charged .What is supposed to really be di outcome of this?? A stupid unno waa  look more stupid har wha??