IT LOOK LIKE WE HAFFI GO GODUNG DAH FLANK YAH AGEN!!!

The more things change, the more they remain the same and is like some women have not come to the realisation seh pickney naah hol’ man again, and they find themselves in precarious positions and try to solicit sympathy when dem go conceive through fair or foul means. They scheme and scam in an attempt to secure the man’s heart or legacy, ostensibly for the child, when deep down, a fi dem selfish self!

Of late, many young girls have found themselves embroiled in a you’re-the-father-but-yuh-naah-mind-yuh-pickney saga, hoping that pubilicity would alter their unfortunate reality. Many have weighed in an cuss di artiste dem, and I agree wid the cussing to a degree but my line is drawn when these girls make bad and reckless decisions and expect that other people must pick up the tab or excuse their mess, A nuh so life go!

Why get pregnant fi a man who ‘have it’ and don’t have a bed or somewhere to put it? Why get pregnant fi a man who obviously have him life sort out and a keep busy while you haffi a box ’bout wid friends? Why get pregnant when you cyaan stand up as a woman on your own two feet and chart a responsible course in life fi you an yuh child? It seems to me like some girl naah prioritise, and when dem master plan backfire pon dem, dem want fi blame di universe.
be a provider
I believe that a man should maintain and provide for his child and not just financially, but emotionally and psychologically also, because a child need fi have a relationship wid him father, not just through Mr Shearer or Mr Manley or in some cases, Mr Benjamin. It nauseates me though, when some of these young girls think that dem pretty looks, shape, complexion and bedroom acrobatics will take them through life, and when reality hit them that they a dime a dozen, dem waan play the role of the victim.
The shame is not just to be levied against the artiste, who is allegedly not taking care of his child, but it is also an indictment on the young women, who see di fire an run go jump inna it an expect it a go cool down. Nuff a dem see bling-bling and run een and start tip pon dem toe till dem become baby mother and di man step out lef dem.

Nuff a dem empty and shallow like barrel and tink seh di belly woulda give dem house an land and ring. Is it the artiste, or any man for that matter, who really should be held responsible if a child was conceived without his consent, or should the female who desperately want di baby fi di man assume full responsibility and just hope seh di man will chip in and help her? Anyway yuh tek it, the child is the innocent victim and it is unfair to him or her.

If a girl a go tek a hot man, she must mek sure she have a hot place fi rest her head, or have what it takes fi find a hot place fi live at a moment’s notice. Everyone makes mistakes and sometimes gets caught up in the moment, but does someone who orchestrate and know di full hundred wid some man deserve empathy, or should they be expected to face the music?
hol’ a man
If a man genuinely naaah tek care a him yute, wi bun dat, but some jeyes-ears girl weh ketch a belly fi try hol’ a man, wi bun dat too. More time, it better yuh keep yuh ovaries quiet because nine time outta 10, di money man dem naah settle wid a one girl or child, especially if is a neva-see-come-see caw dem a galis. Furthermore, dem expect fi free, cause a bag a gal a run dem down, weh yuh expect dem fi do? Some of these little girls need to assess their situation and pay more attention to developing themselves.
Not only are some of these girls having unprotected sex, dem a have it wid nuff different man all at the same time an a gwaan like dem a goodas – all when dem come inna 20 music videos. If me was dem, mi woulda tek weh miself! Nuff a dem don’t even have no shame because instead of being at home and nurturing their ‘fatherless’ child and deh pon Google a try find them baby-father, dem deh a dance inna video light an a hype and don’t even have a mattress!
Nuff a dem is from one hype man to di next an dont have a ting fi show outta it and even if some have, it left to the discretion of the man how long they will allow dem fi keep it. Don’t try stick up a man or trap a man with a child. Is the surest way fi him hate yuh if that’s not where he wants to be. Love of self, respect for self and reliance on self are of paramount importance, and if jackass nuh know how him rear end set, don’t swallow orange ball!

Email your Talk di Tings dem issues to [email protected]