Mi Tivoli linky a tell mi seh di saintly, short, extradited don, who help ‘all Jamaicans’ (in my sarcastic tone) was no saint at all, an dis yute ere well glad him empire fall. Him seh bout a year ago one a him soldiers dem did a mess roun dis yute who sell downtown. Him seh di bwoy jus tek a set pan di guy a lick him up an di yute tek it, but one day him come an start lick up di yute an den spit inna di yute face. Di guy had enuff an gi di don’s soldier one rahtid lick flat a grung an den go to di don fi go try explain wat happened between him an di soldier. Di don look pan di likkle guy an tell him seh a him wrong, an how him diss him soldier an him haffi pay di consequence cuz him cyaa have people a diss him soldiers. Met dem beat do poor guy to death. So mi linky, & I’m sure odders, well happy seh nuff a dem dead dung deh an di don inna fi him stress now.
 
Di guy also a tell mi seh a di don did arrange di killing of Willy Hagart. Him seh at di las Sashi stage show weh keep, di sound selector di big up an name out all a di dons inna di place. But Hagart wasnt havin it, an go tek di mic from di selector an seh how a him a di ongle don inna di place. Di guy seh same time di short don an him man dem lef di show an couple weeks lata Hagart dead an di res is history.
 
Di guy seh while nuff people a seh a Vivian Blake kill him owna bredda, nutten nuh go suh. Dis one yah him res right at di saintly short don’s feet. Him seh Blake bredda go dung a Tivoli an a try turn di yute dem by telling dem how dem life cudda be much betta if dem support him, an how di don a live big an dem a suffa, an how him will tek care a dem betta if dem wuk fi him. But di don’s final straw came wen him go dung deh an ask one a di yute dem wah him wudda really want as proof seh him can betta dem life, an di yute tell Blake bredda seh him wudda want a cyar. Well di yute get di cyar di nex day an shortly afta dat Blake bredda was killed cuz di don viewed him as a threat do his operation an his status as don.

NOW DIS DENIM AND  WHITE TOPIC POST FROM SUNDEH… DIS GIRL ”SEXY SAMANTHA AND SMADDY NAME ”DEN DEN” A CUSS BACK AND FOURTH INA DI TOPIC FROM THEN TILL LASTNIGHT… ONLY FI GET THIS INA MI EMAIL BOX SEH SEH FIGHT DI GIRL N TEK PIC A DI WIG.. U KNOW SEH DAS Y NUFF UPTOWN PPL LOOK DUNG PAN WE GHETTO PPL CAUSE A DEM IGNORANCE YAH ..SHE CLAIM DI GIRL ”SEH SUMTING BOUT HAR KIDS” SUH SHE DUH DAT… SUMTING MUS WRONG WID ME  BUT NUH WONDER DEM DONT WANT NONE A WE INA DI US.. UNNO CLASSLESS, NON-PROGRESSIVE, DUNCE, AND IS REALLY A NATIONAL DISGRACE…. WHAT WAS THE AIM AND OBJECTIVE?? WHA U ACHIEVE??? DI TOPIC WAS ABOUT THE PICS AND UNNO MEK IT ABOUT UNNO AND UNNO OBVIOUS DIRTY LIFESTYLE…UNNO SAME ONE WHEY NUH TEK CARE A UNNO KIDS LOVE RUN UP N SEH HOW UNNO A GOOD MOTHER N RAY TAY… GOOD MOTHERS WHEN N WHERE?? IS LIKE UNNO NUH GET IT… AND A MEMO WAS SENT…. UNNO MEK WE LOOK BADDDDD… IF SMADDY LOW ENOUGH FI SEH SOMETHING BOUT SMADDY PICKNEY N RAY A DEM IT A GO COME BACK PAN… BUT MI NUH GET THIS ONE AT ALLL ..SUH MI WUDDA LIKE SMADDY EXPLAIN IT TO MI

PEOPLE IT DEH A ROAD STINK…WHEN MI SEH STINKKKKK A ONLY JANCROW LEF FI SWARM IT… JOHNNY INA TALKINGS WID NATIONWIDE RADIO FI DO A  3 HOUR SHOW LIKE RAGGA…. INA DI SAME TIME SLOT LIKE RAGGA… FORM 9AM -12PM .. JAMAICA TIME… MI ALWAYS WILL SEH IT… JOHNNY IS A BACK RIDER… DAS MY TAKE FROM DI BITS N PIECES WHEY MI HEAR A ROAD… SUH NOW HIM N CLIFF HUGHES INA MEETING N TALKS OVA SHOW WHEY FI RUN FI 3 HOURS…. YES SAH… JOHNNY SUH IF N WHEN DAH DEAL DEH COME CHOO U WILL BE RAGGA DIRECT COMPETITION… DEM ALSO SEH CHRIS N HIM BABY MADDA LEF , HOUSE A SELL N ALL DESE TINGS.. I WAA KNOW Y SHE LET GUH AFTER ALL DESE YEARS…. DI SEX TAPE NEVA MOVE HAR SUH A WHA FLING HAR WHEY DIS TIME??

SUMTIME MI REALLY N CHOOLY WONDER IF UNNO BUDDY OMNI PRESENT Y IT SEEM LIKE SEH IT DEH INA EVERY HOLE …EVERY SINGLE TIME…. BUT ADDI DIS ONE YAH LOOK LIKE SHE DEH A MENAPAUSE FRONT DOOR MAN.. LOOK HOW U RUN GO BEAT UP SHAWTEL FURNICHA N LOOK WHO  U SIDUNG LAP UP TAIL WID……. LOOK LIKE UNNO HEEDA BOUT FI START OR JUS FINISH.. COCKEY FEAR NO FOE A DAT U SEH TEECHA??

MI WAA KNOW IF POPCAAN N DI RES A EMPIRE ORANGATANG DEM  KNOW SEH BAHAMIAN PEOPLE DOW LIKE JAMAICAN FI DI MOST PART…PLUSSSS DEM NUH RAMP FI DASH SENTANCE PAN DEM… POPCAAN Y U AND DI MAN DEM GONE INA DI PPL DEM AIRPORT WID UNNO ORGY?? PILOT KETCH DEM N OW BAM BAM  NUFF A DEM BANGLE UP INA DI BAHAMAS!