INSIDE EDITION

Lawd woieee…Why mi go ask question lastnight hee man? Di man seh mi fi big up di entertainer whey deh pan di border line kaws a she seh ooman and man to har ting. Big har up bekaw she mek up har mind and married di son………..hayyyyyyyyyyyyyyy my body…Yes dem seh she married di son and fi har offspring don’t like di man needa di  res a di family..Me haffi big har up bekaw mi did tink she confuse kaw up to last year dem seh dere was a ooman and a she seh cancel out all oman and stay wid di son..I is wondering if all di oomanizing dun..pan di female side..Di street seh di son who is now di husband…rob up some money and do har dirty………….nuh mussy das why she always a pudung man ina di song dem…mmhmm but di man put up wid nuff because she nuh ramp fi dun him verbally and dem always a seh him itch pan between har gap…so she move him rite up gold teet front teet full fledge  husband yah now……..heh hayyyyyyyyyyyyyy..everybaddie a bus secret marriage but a hope unno change unno eating habit because tuh much mixchuh ina di ches cause cholic